കഥകളിലൂടെ മലയാളം പഠിക്കുക
Original article: ബീർബലിന്റെ ഭാവന — StoryMalayalam.com
Section 1: Malayalam Story
ബീർബലിന്റെ ഭാവന — Birbal's Imagination
ഒരു ദിവസം അക്ബർ ചക്രവർത്തി സദസ്സിൽ ചിത്രരചനയെക്കുറിച്ചു സംസാരിക്കുകയായിരുന്നു. അപ്പോഴാണ് അക്ബർ സദസ്സിൽ ഒരു താല്പര്യവും ഇല്ലാതെ ഇരിക്കുന്ന ബീർബലിനെ ശ്രദ്ധിച്ചത്. അക്ബറിന് ഇത് തീരെ രസിച്ചില്ല. അദ്ദേഹം ഉടൻ തന്നെ സദസ്സിലുള്ളവരോടായി പറഞ്ഞു.
"ചിത്രരചനയിൽ ഏറ്റവും പ്രാധാന്യം ഭാവനയ്ക്കാണ്. സദസ്സിൽ ഇരിക്കുന്നവരിൽ ഏറ്റവും ഭാവന ഉള്ളതായി എനിക്ക് തോന്നുന്നത് ബീർബലിനാണ്. അതുകൊണ്ട് ഞാൻ ആഗ്രഹിക്കുന്നത് ബീർബൽ തന്റെ ഭാവനയ്ക്ക് അനുസരിച്ചു ഒരു ചിത്രം വരച്ചു സദസ്സിൽ കൊണ്ടു വരണം എന്നാണ്. ഞാനിതിനായി അങ്ങേയ്ക്ക് ഒരാഴ്ച സമയം നൽകുന്നതായിരിക്കും."
അക്ബറിന്റെ വാക്കുകൾ കേട്ട ബീർബൽ അമ്പരന്നു. അദ്ദേഹം പറഞ്ഞു:
"അല്ലയോ ചക്രവർത്തി, ഞാൻ അങ്ങയുടെ ഒരു മന്ത്രി മാത്രമാണ്, ഒരു ചിത്രകാരനല്ല. അതുകൊണ്ട് എനിക്ക് ഭാവനയിൽ നിന്നും ചിത്രം വരയ്ക്കാനും കഴിയില്ല."
എന്നാൽ അക്ബർ ബീർബലിന്റെ വാക്കുകൾ കേൾക്കാൻ തയ്യാറായില്ല. മാത്രമല്ല ബീർബലിനോടായി ഇപ്രകാരം പറഞ്ഞു:
"ബീർബൽ, ഏഴാം ദിനം സഭയിൽ വരുമ്പോൾ തീർച്ചയായും നിങ്ങൾ വരച്ച ചിത്രം കൈയിൽ ഉണ്ടാകണം. ഇതെന്റെ ഉത്തരവാണ്. ഇതിൽ എന്തെങ്കിലും മാറ്റം ഉണ്ടായാൽ നിങ്ങൾ കടുത്ത ശിക്ഷാ നടപടിക്ക് തന്നെ വിധേയനാകുന്നതായിരിക്കും."
അക്ബറിന്റെ വാക്കുകൾ കേട്ട ബീർബൽ മറുപടി ഒന്നും തന്നെ പറയാതെ സഭയിൽ നിന്നും പോയി. മാത്രമല്ല തുടർന്നുള്ള ദിവസങ്ങളിൽ ബീർബൽ സഭയിലേക്ക് പോയതുമില്ല. ഒടുവിൽ ബീർബലിന് അക്ബർ ചിത്രം വരയ്ക്കാനായി നൽകിയ അവസാന ദിനം വന്നെത്തി. സഭയിൽ എല്ലാവരും അക്ഷമയോടെ ബീർബലിനെ പ്രതീക്ഷിച്ചിരുന്നു. അവസാനം എല്ലാവരെയും അത്ഭുതപ്പെടുത്തി കൊണ്ട് താൻ വരച്ച ചിത്രവുമായി ബീർബൽ സഭയിലേക്കു വന്നു. എന്നിട്ടു അക്ബറിനോടായി പറഞ്ഞു:
"അല്ലയോ ചക്രവർത്തി, ഞാൻ അങ്ങയുടെ ആജ്ഞപ്രകാരം ഒരു ചിത്രം വരച്ചു. അത് നൽകുവാനാണ് എത്തിയത്."
അതിനു ശേഷം താൻ വരച്ച ചിത്രം അക്ബറിനെ ഏല്പിച്ചു. അദ്ദേഹം സന്തോഷത്തോടെ ബീർബൽ വരച്ച ചിത്രം നോക്കി. എന്നാൽ ചിത്രം കണ്ട രാജാവ് അത്ഭുതപ്പെട്ടു. അതിൽ തരിശുഭൂമിയും ആകാശവും മാത്രമായിരുന്നു വരച്ചിരുന്നത്. ഇതു കണ്ട രാജാവ് കോപത്തോടെ ബീർബലിനോട് ചോദിച്ചു:
"നിങ്ങൾ എന്താണ് വരച്ചു വച്ചിരിക്കുന്നത് ബീർബൽ? ഇതിൽ എന്തു ഭാവനയാണ് ഉള്ളത്?"
അക്ബറിന്റെ ചോദ്യം കേട്ടതും ബീർബൽ പറഞ്ഞു:
"അല്ലയോ ചക്രവർത്തി, ഞാൻ പുല്ലു തിന്നുന്ന പശുവിനെയാണ് വരച്ചത്."
ഇതു കേട്ട അക്ബർ ആശ്ചര്യത്തോടെ ചോദിച്ചു:
"ഈ ചിത്രത്തിൽ പശുവും പുല്ലും എവിടെയാണ് ബീർബൽ?"
അപ്പോൾ ബീർബൽ പറഞ്ഞു:
"അവിടെ ഉണ്ടായിരുന്ന പുല്ല് മുഴുവൻ പശു കഴിച്ചു തീർത്തു ചക്രവർത്തി."
"അങ്ങനെയാണെങ്കിൽ പശു അവിടെ കാണണമല്ലോ ബീർബൽ. ഈ ചിത്രത്തിൽ പശുവും ഇല്ലല്ലോ."
അക്ബറിന്റെ ഈ ചോദ്യത്തിന് ബീർബൽ ചിരിച്ചും കൊണ്ട് പറഞ്ഞു:
"പുല്ലു മുഴുവൻ കഴിച്ചു തീർത്ത ആ തരിശു നിലത്തു പശു എന്ത് ചെയ്യാനാണ് ചക്രവർത്തി? അത് തന്റെ തൊഴുത്തിലേക്ക് പോയി."
ഇതു കേട്ട രാജാവിനും സഭയിലുള്ളവർക്കും ചിരിയടക്കാനായില്ല. ബീർബലിന് ഭാവനയിലുള്ള ചിത്രം വരയ്ക്കാൻ കഴിഞ്ഞില്ലെങ്കിലും തന്റെ സർഗ്ഗാത്മക ചിന്തയിലൂടെ ആ സാഹചര്യത്തെയും അതിജീവിക്കാൻ സാധിച്ചു. അതുവഴി ബീർബൽ അക്ബർ ചക്രവർത്തിയുടെ കോപത്തിൽ നിന്നും രക്ഷപ്പെട്ടു.
Section 2: Sentence-by-Sentence Translation
| # | Malayalam (മലയാളം) | English Translation |
|---|---|---|
| 1 | ഒരു ദിവസം അക്ബർ ചക്രവർത്തി സദസ്സിൽ ചിത്രരചനയെക്കുറിച്ചു സംസാരിക്കുകയായിരുന്നു. | One day, Emperor Akbar was speaking about painting in his court. |
| 2 | അക്ബർ സദസ്സിൽ ഒരു താല്പര്യവും ഇല്ലാതെ ഇരിക്കുന്ന ബീർബലിനെ ശ്രദ്ധിച്ചു. | Akbar noticed Birbal sitting in the court with no interest at all. |
| 3 | അക്ബറിന് ഇത് തീരെ രസിച്ചില്ല. | Akbar was not pleased with this at all. |
| 4 | ചിത്രരചനയിൽ ഏറ്റവും പ്രാധാന്യം ഭാവനയ്ക്കാണ്. | In painting, imagination is of the greatest importance. |
| 5 | സദസ്സിൽ ഇരിക്കുന്നവരിൽ ഏറ്റവും ഭാവന ഉള്ളതായി എനിക്ക് തോന്നുന്നത് ബീർബലിനാണ്. | Among those sitting in the court, I feel that Birbal has the most imagination. |
| 6 | ഞാൻ ആഗ്രഹിക്കുന്നത് ബീർബൽ തന്റെ ഭാവനയ്ക്ക് അനുസരിച്ചു ഒരു ചിത്രം വരച്ചു സദസ്സിൽ കൊണ്ടു വരണം. | I wish that Birbal should draw a picture according to his imagination and bring it to the court. |
| 7 | ഞാൻ അങ്ങയുടെ ഒരു മന്ത്രി മാത്രമാണ്, ഒരു ചിത്രകാരനല്ല. | I am only your minister, not a painter. |
| 8 | ഏഴാം ദിനം സഭയിൽ വരുമ്പോൾ തീർച്ചയായും നിങ്ങൾ വരച്ച ചിത്രം കൈയിൽ ഉണ്ടാകണം. | When you come to the court on the seventh day, you must surely have the painting you drew in your hands. |
| 9 | ഇതെന്റെ ഉത്തരവാണ്. | This is my command. |
| 10 | ഇതിൽ എന്തെങ്കിലും മാറ്റം ഉണ്ടായാൽ നിങ്ങൾ കടുത്ത ശിക്ഷാ നടപടിക്ക് തന്നെ വിധേയനാകുന്നതായിരിക്കും. | If there is any change in this, you will certainly face severe punishment. |
| 11 | ബീർബൽ മറുപടി ഒന്നും തന്നെ പറയാതെ സഭയിൽ നിന്നും പോയി. | Birbal left the court without saying anything in reply. |
| 12 | ഒടുവിൽ ബീർബലിന് അക്ബർ ചിത്രം വരയ്ക്കാനായി നൽകിയ അവസാന ദിനം വന്നെത്തി. | Finally, the last day that Akbar had given Birbal to draw the painting arrived. |
| 13 | സഭയിൽ എല്ലാവരും അക്ഷമയോടെ ബീർബലിനെ പ്രതീക്ഷിച്ചിരുന്നു. | Everyone in the court was waiting for Birbal impatiently. |
| 14 | എല്ലാവരെയും അത്ഭുതപ്പെടുത്തി കൊണ്ട് താൻ വരച്ച ചിത്രവുമായി ബീർബൽ സഭയിലേക്കു വന്നു. | Surprising everyone, Birbal came to the court with the painting he had drawn. |
| 15 | ചിത്രം കണ്ട രാജാവ് അത്ഭുതപ്പെട്ടു. | The king was surprised upon seeing the picture. |
| 16 | അതിൽ തരിശുഭൂമിയും ആകാശവും മാത്രമായിരുന്നു വരച്ചിരുന്നത്. | Only barren land and sky were drawn in it. |
| 17 | ഞാൻ പുല്ലു തിന്നുന്ന പശുവിനെയാണ് വരച്ചത്. | I drew a cow eating grass. |
| 18 | അവിടെ ഉണ്ടായിരുന്ന പുല്ല് മുഴുവൻ പശു കഴിച്ചു തീർത്തു. | The cow ate all the grass that was there. |
| 19 | പുല്ലു മുഴുവൻ കഴിച്ചു തീർത്ത ആ തരിശു നിലത്തു പശു എന്ത് ചെയ്യാനാണ്? അത് തന്റെ തൊഴുത്തിലേക്ക് പോയി. | What would the cow do in that barren land after eating all the grass? It went to its stable. |
| 20 | ഇതു കേട്ട രാജാവിനും സഭയിലുള്ളവർക്കും ചിരിയടക്കാനായില്ല. | Upon hearing this, neither the king nor the courtiers could hold back their laughter. |
| 21 | തന്റെ സർഗ്ഗാത്മക ചിന്തയിലൂടെ ആ സാഹചര്യത്തെയും അതിജീവിക്കാൻ സാധിച്ചു. | Through his creative thinking, he was able to overcome that situation too. |
| 22 | ബീർബൽ അക്ബർ ചക്രവർത്തിയുടെ കോപത്തിൽ നിന്നും രക്ഷപ്പെട്ടു. | Birbal escaped from Emperor Akbar's anger. |
Section 3: Vocabulary
| Malayalam | Transliteration | Part of Speech | English Meaning |
|---|---|---|---|
| ചക്രവർത്തി | chakravarthi | noun | Emperor |
| സദസ്സ് | sadassu | noun | Royal court / Assembly |
| ചിത്രരചന | chitrarachana | noun | Painting / Drawing |
| ഭാവന | bhaavana | noun | Imagination |
| താല്പര്യം | thaalparyam | noun | Interest |
| പ്രാധാന്യം | praadhaanyam | noun | Importance |
| മന്ത്രി | manthri | noun | Minister |
| ചിത്രകാരൻ | chitrakaaran | noun | Painter / Artist |
| ഉത്തരവ് | uttharavu | noun | Command / Order |
| ആജ്ഞ | aagnya | noun | Royal command |
| ശിക്ഷ | shiksha | noun | Punishment |
| അക്ഷമ | akshama | noun | Impatience |
| തരിശുഭൂമി | tharishu bhoomi | noun | Barren land |
| ആകാശം | aakaasham | noun | Sky |
| പശു | pashu | noun | Cow |
| പുല്ല് | pullu | noun | Grass |
| തൊഴുത്ത് | thozhuthu | noun | Stable / Cowshed |
| കോപം | kopam | noun | Anger |
| ആശ്ചര്യം | aashcharyam | noun | Wonder / Astonishment |
| ചിരി | chiri | noun | Laughter / Smile |
| സർഗ്ഗാത്മകം | sargathmakam | adjective | Creative |
| അതിജീവിക്കുക | athijeevikkuka | verb | To overcome / To survive |
| അമ്പരക്കുക | ambarakkuka | verb | To be startled / To be surprised |
| വരയ്ക്കുക | varaikkuka | verb | To draw / To paint |
| രക്ഷപ്പെടുക | rakshappeduka | verb | To escape / To be saved |