Section 1: Malayalam Story

ഒട്ടകവും വ്യാപാരിയും — The Camel and the Merchant

An Arab merchant and his camel resting in the desert at night beside a small tent

പണ്ടു പണ്ട് ഒരിടത്തു ഒരു വ്യാപാരി ജീവിച്ചിരുന്നു. ആ വ്യാപാരിക്ക് ഒരു ഒട്ടകം ഉണ്ടായിരുന്നു. അയാൾ ഈ ഒട്ടകത്തിന്റെ പുറത്തായിരുന്നു തന്റെ വ്യാപാര ആവശ്യത്തിനായുള്ള യാത്രകളെല്ലാം നടത്തിയിരുന്നത്.

അങ്ങനെയിരിക്കെ ഒരു ദിവസം അദ്ദേഹം തന്റെ ഒട്ടകവുമായി മരുഭൂമിയിലൂടെ യാത്ര ചെയ്യുകയായിരുന്നു. പകൽ മുഴുവൻ യാത്ര ചെയ്തു ക്ഷീണിച്ച ആ വ്യാപാരി രാത്രി ആയപ്പോൾ വിശ്രമിക്കാൻ തീരുമാനിച്ചു. എന്നാൽ മരുഭൂമിയിൽ അന്ന് രാത്രിയിൽ പതിവിലും തണുപ്പുണ്ടായിരുന്നു. മരുഭൂമിയിൽ ഒരു സത്രം അന്വേഷിക്കുന്നതിന്റെ ബുദ്ധിമുട്ടു അറിയാവുന്ന അയാൾ കൈയിൽ കരുതിയ ഒരു ചെറിയ കൂടാരം എടുത്തു അവിടെ തന്നെ കെട്ടി. കഷ്ടിച്ച് ഒരാൾക്ക് മാത്രം കിടക്കാവുന്ന വലുപ്പമേ ആ കൂടാരത്തിനു ഉണ്ടായിരുന്നുള്ളൂ.

വ്യാപാരി തന്റെ ഒട്ടകത്തിനെ കൂടാരത്തിനു പുറത്തു കെട്ടിയിട്ടതിനു ശേഷം കൂടാരത്തിനുള്ളിൽ ഉറങ്ങാനായി കിടന്നു. കുറച്ചു സമയം കഴിഞ്ഞതും ആരോ വിളിക്കുന്നത് കേട്ട് ആ വ്യാപാരി ഉണർന്നു. അയാൾ പുറത്തിറങ്ങി ചുറ്റും നോക്കി. എന്നാൽ അവിടെയെങ്ങും അയാൾ ആരെയും കണ്ടില്ല. അപ്പോൾ ഒട്ടകം വ്യാപാരിയോട് പറഞ്ഞു:

"യജമാനാ, ഞാനാണ് അങ്ങയെ വിളിച്ചത്."

ഇതു കേട്ട വ്യാപാരി ഒട്ടകത്തിനോട് കാര്യം എന്താണെന്ന് ചോദിച്ചു:

"യജമാനാ, പുറത്ത് നല്ല തണുപ്പാണ്. എനിക്ക് ഉറങ്ങാൻ കഴിയുന്നില്ല. ഞാൻ എന്റെ തല ഈ കൂടാരത്തിനകത്ത് ഒന്നു വച്ചോട്ടെ?"

നല്ലവനായ ആ വ്യാപാരി ഒട്ടകത്തിനെ കൂടാരത്തിനകത്ത് തല വയ്ക്കാൻ അനുവദിച്ചു. എന്നിട്ട് അയാൾ പിന്നെയും ഉറങ്ങാനായി കിടന്നു. കുറച്ചു സമയം കഴിഞ്ഞപ്പോൾ വീണ്ടും അതേ ശബ്ദം കേട്ട് അയാൾ ഉണർന്നു. അപ്പോൾ ആ ഒട്ടകം വീണ്ടും ചോദിച്ചു:

"യജമാനാ, പുറത്തെ തണുപ്പ് എനിക്ക് സഹിക്കാൻ പറ്റുന്നില്ല. ഞാൻ എന്റെ കാലുകൾ കൂടി ഈ കൂടാരത്തിനകത്ത് ഒന്നു വച്ചോട്ടെ?"

ആ പാവം വ്യാപാരി അതും സമ്മതിച്ചു. അങ്ങനെ ആ ഒട്ടകം തന്റെ തലയും കാലുകളും ആ കൂടാരത്തിനകത്ത് വച്ചു. വ്യാപാരി ഉറങ്ങാനായും കിടന്നു.

സമയം കടന്നു പോയി. ഒട്ടകത്തിന് തണുപ്പ് കാരണം അപ്പോഴും ഉറങ്ങാൻ കഴിയുന്നുണ്ടായിരുന്നില്ല. തണുപ്പ് അസഹനീയമായപ്പോൾ ഒട്ടകം കരുതി: "ഒരു കാര്യം ചെയ്യാം, ശരീരം കൂടി കൂടാരത്തിന്റെ അകത്തു കയറ്റാം. നല്ലവനായ യജമാനൻ തീർച്ചയായും സമ്മതിക്കും. അദ്ദേഹത്തിനെ ഉറക്കത്തിൽ നിന്നും ഉണർത്തേണ്ട ആവശ്യം ഇല്ല."

അങ്ങനെ ഒട്ടകം തന്റെ ശരീരവും കൂടി കൂടാരത്തിനുള്ളിലേക്ക് കയറ്റി. കഷ്ടിച്ചു ഒരാൾക്ക് മാത്രം കിടക്കാവുന്ന ആ കൂടാരത്തിൽ ഒട്ടകവും കൂടി ആയപ്പോൾ വ്യാപാരിക്ക് കിടക്കാൻ ഇടം ഇല്ലാതായി. അപ്പോൾ ഒട്ടകം വ്യാപാരിയോട് പറഞ്ഞു:

"യജമാനാ, ഈ കൂടാരത്തിനകത്ത് നമുക്ക് രണ്ടു പേർക്കും കൂടി കിടക്കാൻ കഴിയില്ല. അതുകൊണ്ട് അങ്ങ് ദയവായി കൂടാരത്തിനു പുറത്തു കിടന്നു ഉറങ്ങൂ."

ഇതു കേട്ട വ്യാപാരിക്കു തന്റെ ക്ഷമ മുഴുവൻ നശിച്ചു. അയാൾ ആ ഒട്ടകത്തിനെ ചവിട്ടി കൂടാരത്തിനു പുറത്താക്കി. എന്നിട്ട് കൂടാരം നന്നായി മൂടി സുഖമായി കിടന്നുറങ്ങി.

ഗുണപാഠം: നമ്മൾ ദയയുള്ളവരായിരിക്കുക എന്നതു പോലെ തന്നെ പ്രധാനമാണ് ദയ കാട്ടുന്നതിൽ അതിർവരമ്പ് നിശ്ചയിക്കുക എന്നതും. ഇല്ലെങ്കിൽ നമ്മൾ കാണിക്കുന്ന ദയ മറ്റുള്ളവർ ദുരുപയോഗം ചെയ്തേക്കാം.

Section 2: Sentence-by-Sentence Translation

#	Malayalam (മലയാളം)	English Translation
1	പണ്ടു പണ്ട് ഒരിടത്തു ഒരു വ്യാപാരി ജീവിച്ചിരുന്നു.	Long ago, in a certain place, there lived a merchant.
2	ആ വ്യാപാരിക്ക് ഒരു ഒട്ടകം ഉണ്ടായിരുന്നു.	That merchant had a camel.
3	അയാൾ ഈ ഒട്ടകത്തിന്റെ പുറത്തായിരുന്നു തന്റെ വ്യാപാര ആവശ്യത്തിനായുള്ള യാത്രകളെല്ലാം നടത്തിയിരുന്നത്.	He used this camel's back for all his business travels.
4	ഒരു ദിവസം അദ്ദേഹം തന്റെ ഒട്ടകവുമായി മരുഭൂമിയിലൂടെ യാത്ര ചെയ്യുകയായിരുന്നു.	One day, he was travelling through the desert with his camel.
5	പകൽ മുഴുവൻ യാത്ര ചെയ്തു ക്ഷീണിച്ച ആ വ്യാപാരി രാത്രി ആയപ്പോൾ വിശ്രമിക്കാൻ തീരുമാനിച്ചു.	The merchant, tired from travelling all day, decided to rest when night fell.
6	മരുഭൂമിയിൽ അന്ന് രാത്രിയിൽ പതിവിലും തണുപ്പുണ്ടായിരുന്നു.	That night in the desert, it was colder than usual.
7	കഷ്ടിച്ച് ഒരാൾക്ക് മാത്രം കിടക്കാവുന്ന വലുപ്പമേ ആ കൂടാരത്തിനു ഉണ്ടായിരുന്നുള്ളൂ.	The tent was barely large enough for one person to sleep in.
8	ഒട്ടകം വ്യാപാരിയോട് പറഞ്ഞു: "യജമാനാ, ഞാനാണ് അങ്ങയെ വിളിച്ചത്."	The camel said to the merchant: "Master, it was I who called you."
9	"യജമാനാ, പുറത്ത് നല്ല തണുപ്പാണ്. എനിക്ക് ഉറങ്ങാൻ കഴിയുന്നില്ല."	"Master, it is very cold outside. I cannot sleep."
10	"ഞാൻ എന്റെ തല ഈ കൂടാരത്തിനകത്ത് ഒന്നു വച്ചോട്ടെ?"	"May I place my head inside this tent?"
11	നല്ലവനായ ആ വ്യാപാരി ഒട്ടകത്തിനെ കൂടാരത്തിനകത്ത് തല വയ്ക്കാൻ അനുവദിച്ചു.	The kind merchant allowed the camel to place its head inside the tent.
12	"ഞാൻ എന്റെ കാലുകൾ കൂടി ഈ കൂടാരത്തിനകത്ത് ഒന്നു വച്ചോട്ടെ?"	"May I also place my legs inside the tent?"
13	ആ പാവം വ്യാപാരി അതും സമ്മതിച്ചു.	The poor merchant agreed to that as well.
14	ഒട്ടകം തന്റെ ശരീരവും കൂടി കൂടാരത്തിനുള്ളിലേക്ക് കയറ്റി.	The camel moved its body into the tent as well.
15	വ്യാപാരിക്ക് കിടക്കാൻ ഇടം ഇല്ലാതായി.	There was no longer any space for the merchant to lie down.
16	"ഈ കൂടാരത്തിനകത്ത് നമുക്ക് രണ്ടു പേർക്കും കൂടി കിടക്കാൻ കഴിയില്ല."	"The two of us cannot both sleep inside this tent."
17	"അതുകൊണ്ട് അങ്ങ് ദയവായി കൂടാരത്തിനു പുറത്തു കിടന്നു ഉറങ്ങൂ."	"Therefore, please sleep outside the tent."
18	ഇതു കേട്ട വ്യാപാരിക്കു തന്റെ ക്ഷമ മുഴുവൻ നശിച്ചു.	Upon hearing this, the merchant completely lost his patience.
19	അയാൾ ആ ഒട്ടകത്തിനെ ചവിട്ടി കൂടാരത്തിനു പുറത്താക്കി.	He kicked the camel out of the tent.
20	നമ്മൾ ദയ കാട്ടുന്നതിൽ അതിർവരമ്പ് നിശ്ചയിക്കുക എന്നതും പ്രധാനമാണ്.	Setting limits on one's kindness is just as important as being kind.

Section 3: Vocabulary

Malayalam	Transliteration	Part of Speech	English Meaning
വ്യാപാരി	vyāpāri	noun	merchant, trader
ഒട്ടകം	oṭṭakam	noun	camel
മരുഭൂമി	marubhūmi	noun	desert
കൂടാരം	kūṭāram	noun	tent
തണുപ്പ്	taṇuppu	noun	cold, coldness
ക്ഷീണം	kṣīṇam	noun	tiredness, exhaustion
വിശ്രമം	viśramam	noun	rest, relaxation
യജമാനൻ	yajamānaṉ	noun	master, owner
അനുവദിക്കുക	anuvadikkuka	verb	to allow, to permit
ക്ഷമ	kṣama	noun	patience
ദയ	daya	noun	kindness, mercy
അതിർവരമ്പ്	atirvarampu	noun	limit, boundary
ദുരുപയോഗം	durupayōgam	noun	misuse, abuse
ശരീരം	śarīram	noun	body
ഉണർന്നു	uṇarṉu	verb (past)	woke up, arose
സമ്മതിക്കുക	sammatikkuka	verb	to agree, to consent
കിടക്കുക	kiṭakkuka	verb	to lie down
ഉറങ്ങുക	uṟaṅṅuka	verb	to sleep
ചവിട്ടുക	caviṭṭuka	verb	to kick
പുറത്ത്	puṟattu	adverb	outside
അകത്ത്	akattu	adverb	inside
ഗുണപാഠം	guṇapāṭham	noun	moral, lesson
പാവം	pāvam	adjective	poor, unfortunate (used with sympathy)
ബുദ്ധിമുട്ട്	buddhimuṭṭu	noun	difficulty, trouble

Related Lessons

Continue your language learning journey with these related stories: